У Гарадзенскім дзяржаўным універсітэце імя Янкі Купалы распачалася Міжнародная навуковая канферэнцыя “Адам Міцкевіч і сучасная сусветная культура”, прымеркаванная да 20-годдзя кафедры польскай філалогіі купалаўскага універсітэту.

Выстава “Вінаград-2009” праходзіць у Гародні. Гарадзенскі аграрны ўніверсітэт два дні будзе пляцоўкай для абмену вопытам вінаградараў Беларусі.

Міжнародны арт-праэкт “Вектар танца”распачаў працу ў Гародні. Будынак драматычнага тэатру ветліва запрасіў прафесіяналаў і аматараў сучаснага танцу пад свае скляпенні. У ладжаным сэмінары практыкуме ўдзельнічаюць як беларускія педагогі харэаграфіі, кіраўнікі самадзейных танцэвальных калектываў, так і запрошаныя з-за мяжы адмыслоўцы.

Актывісты Лідскай філіі Таварыства беларускай мовы імя Францішка Скарыны пачалі збор подпісаў з прапановай да мясцовых уладаў перайменаваць шэраг вуліцаў раённага цэнтра, якія носяць савецкія назвы.

Сябры гарадзенскай гарадской арганізацыі партыі БНФ падтрымалі ініцыятыву Асамблеі няўрадавых арганізацый па адмене артыкула 193.1 Крымінальнага кодэкса, які прадугледжвае турэмнае зняволенне за дзейнасць ад імя незарэгістраванай арганізацыі.

Паводле загада дырэктара бярозаўскага шклозавода “Нёман” на прадпрыемстве на месяц працягнуты рэжым скарочанага працоўнага часу.

Дэлегаты, якія вылучаныя на з’езд партыі Беларускі народны фронт ад Гарадзенскай гарадской арганізацыі ў большасці сваёй з’яўляюцца прыхільнікамі зменаў, якія павінны прынесці карысць не толькі партыі, але і беларускаму грамадству.

На Гарадзеншчыне расце запазычанасць прадпрымальнікаў перад дзяржавай і падвышаецца колькасць парушэнняў, выяўленых падатковай інспекцыяй у іх дзейнасці.

Вакол канцэпцыі рэгенерацыі Старога гораду ў Берасці, які знаходзіўся на месцы цяперашней Берасцейскай крэпасці, існуе шмат меркаванняў. Некаторыя краязнаўцы, археолагі, архітэктары і гісторыкі выступаюць супраць яе адабрэння. Цяпер жа ў сувязі з публікацыямі ў беларускіх СМІ інфармацыі пра адабрэнне дадзенай канцэпцыі, варта было б пачуць меркаванне гісторыкаў і архітэктараў. З сябрам камісіі пры Міністэрстве Культуры, спадарыняй Ірынай Лаўроўскай, гутарыць крэспандэнт Радыё Рацыя, Яўген Скрабец.

У гарадзенскім Парку імя Жылібэра адбылася дабрачынная акцыя “Малюем веды”, арганізаваная Гарадзенскім дзіцячым хоспісам сумесна з Гарадзенскай Епархіяй Беларускай Праваслаўнай Царквы, Гарадзенскім Дзяржаўным Універсітэтам імя Янкі Купалы ды Цэнтрам творчасці дзяцей і моладзі. Акцыю наведаў наш гарадзенскі карэспандэнт Вацлаў Галімскі.

Канцэртам інструмэнтальнага ансамбля “Мэдыюм” з салістам Алесям Валынскім (барытон) завяршыліся музычныя “жнівеньскія вечары” ў Гародні. Канцэрт адбыўся ў будынку музэю гісторыі рэлігіі (былога палацу грапаў Храптовічаў).