Намаганнямі краязнаўцы з Кобрынскага раёна Ніны Марчук пачынае вяртацца імя паэта Кобрыншчыны Уладзіміра Кітаеўскага, які пісаў вершы на палескай і рускай мовах. Ён быў патрыётам сваёй малой Радзімы.

На Бярозаўскім камбінаце сілікатных вырабаў адбываецца ўжо другі год паэтапнае скарачэнне рабочых. У гэтым годзе 4 сакавіка адбыліся новыя скарачэнні. З юрыдычнага боку ўсё робіцца так, што, як кажуць, камар носа не падточыць.

Прапанаваны вялікі выбар традыцыйны велікодных сувеніраў: размаляваных і шакаладных яек, дэкаратыўных свечак, святочных паштовак, вербных кампазіцый. На кірмашы можна набыць фарбы і ўпрыгожанні для яек, пасхі, велікоднай выпечкі, маляўнічыя сурвэткі, абрусы, падстаўкі, кошыкі. Прапанаваны багаты асартымент праваслаўнай літаратуры, аўдыёвізуальнай прадукцыі, абразаў, рэчаў царкоўнага побыту і храмавага ўпрыгажэння, трапезы, мёду.

30 сакавіка ў Варшаве адбудуцца консульскія кансультацыі паміж Міністэрствамі замежных справаў адносна выканання беларуска-польскага пагаднення аб малым памежным руху.

Спаўняецца 20 год ад выхаду ў свет газеты “Наша слова”. Газета “Наша слова” – друкаваны орган грамадскага аб’яднання “Таварыства беларускай мовы імя Францішка Скарыны”, пачала выходзіць у сакавіку 1990 года.

Нягледзячы на першыя паспяховыя пікеты гарадская структура Партыі БНФ Брэста выказвае свае хваляванні і турботы аб забароне мясцовых уладаў на масавыя акцыі на цэнтральных вуліцах Брэста.

Міністэрства замежных спраў Беларусі нагадвае грамадзянам, што з 5 красавіка ўступяць у сілу новы візавы кодэкс Еўрасаюза. Гэта пацягне за сабой і новы пастрабаванні пры атрыманні візаў. Тэму працягне Кастусь Вансяцкі.

У нядзелю 21 сакавіка і толькі а 12.00 у Гродне ўсе разам пішам ІІІ агульнанацыянальную Дыктоўку - “Гародня, будзьма з мовай-2010!”. Дыктоўка арганізоўваецца шэрагам гарадзенскіх грамадскіх арганізацый, ініцыятываў ды проста цікавымі, неабыякавымі людзьмі.

Людзей адной краіны цікавіць тое, што адбываецца ў краінах-суседках, але ў дачыненні да польска-беларускіх стасункаў не заўсёды гэтак было. Даволі доўга многія палякі мала што ведалі пра Беларусь. Цяпер сітуацыя значна змянілася. Гэтаму паспрыялі розныя фактары, але ў тым ліку і інтэрнэт-рэсурс Bialorus.pl. Аб гэтым гутарым з кіраўніком Цэнтру грамадзянскай адукацыі „Польшча-Беларусь” Марцінам Рэмбачам.

Журналісты незалежных беларускіх СМІ аказаліся скрайнімі ў разборках між КДБ і Міністэрствам унутраных спраў, - такое меркаванне выказала Марына Коктыш, адна з пацярпелых у выніку ператруса 16 сакавіка.

55-гадовы жыхар горада Берасця Уладзімір Судак звярнуўся да берасцейскіх праваабаронцаў за дапамогай, каб адбіцца ад супрацоўнікаў міліцыі Берасцейскага раёна, якія ў прымусовым парадку застаўляюць пенсіянера здаць адбіткі пальцаў.

Партыя БНФ Брэста правяла свае першыя вулічныя акцыі, кандыдаты пакуль адзначаюць першыя поспехі, а кіраўніцтва суполкі спадзяецца, што і далей не будзе ніякіх перашкодаў.

Міністэрства культуры Рэспублікі Беларусь афіцыйным лістом пацвердзіла гістарычна-культурны статус будынкаў Брэста, якія ўлады горада збіраюцца знішчыць.

Апарат упаўнаважанага ў справах рэлігіі і нацыянальнасцей распачаў цыкл канферэнцый з удзелам лідэраў нацыянальных супольнасцей. У першай сустрэчы ўзялі ўдзел кіраўнікі армянскай, украінскай, рускай, карэйскай і літоўскай суполак. Якое меркаванне маюць чыноўнікі і прадстаўнікі нацыянальных меншасцяў дазнаваўся карэспандэнт Радыё Рацыя

У Мінску быў збіты беларускі мастак Міхась Карпук. Напад адбыўся днём у Траецкім прадмесці, дзе ўжо больш за дваццаць гадоў знаходзіцца майстэрня мастака.