20 сакавіка ў Берасце пройдзе першы з турніраў каманднага чэмпіянату па MIXFIGHT. MIXFIGHT уключае ў сабе так званыя змешаныя адзінаборствы.

Футбалісты барысаўскага БАТЭ сталі ўладальнікамі Суперкубка Беларусі. 8 сакавіка леташні чэмпіён краіны і ўладальнік Кубка Беларусі "Нафтан" (Наваполацк) сустрэліся на полі мінскага футбольнага манежа. Асноўны час завяршыўся ўнічыю 0:0. У серыі пенальці мацнейшымі былі барысаўчане — 3:2.

Мужчынская зборная Італіі па тэнісе атрымала датэрміновую перамогу над камандай Беларусі ў матчы першага круга 1-й групы Еўра-Афрыканскай зоны Кубка Дэвіса. У другім раўндзе Італія сустрэнецца з Галандыяй за права выступіць у плей-оф Сусветнай групы. Беларуская зборная будзе змагацца за захаванне месца ў 1-й групе ЕАЗ.

Абаронца "Дэтройта" Родні Стакі згубіў прытомнасць на лаўцы запасных каманды падчас матчу з "Кліўлендам", які завяршыўся некалькі гадзінаў таму. Баскетбаліст нечакана адчуў сябе дрэнна, папрасіў воды, а ўжо праз імгненне паваліўся на рукі настаўніку "Пістанс" Джону Кьюстэру. Стакі адразу ж быў дастаўлены ў шпіталь Кліўленда. Пасля гульні галоўны трэнер "Дэтройта" паведаміў, што стан яго падапечнага ацэньваецца, як стабільны.

Футбольныя чыноўнікі абмяркуюць такія пытанні, ці павінен суддзя абавязкова выдаляць футбаліста з поля, калі за парушэнне быў прызначаны пенальці. Таксама, магчыма, футбалістам наогул забароняць спыняцца перад разбегам пры прабіцці 11-мятровага.

Нацыянальная зборная Беларусі па футболе плануе правесці чатыры таварыскія матчы да пачатку адборачнага турніру чэмпіянату Еўропы-2012. Пра гэта паведаміў галоўны трэнер зборнай Бернд Штанге 5 сакавіка на прэс-канферэнцыі ў Мінску.

новым рэйтынгу Міжнароднай федэрацыі футбола (ФІФА), распаўсюджаным 3 сакавіка, зборная Беларусі перамясцілася з 80-га на 79-е месца, а колькасць набраных ёю ачкоў павялічылася з 397 да 400.

Маладзёжная зборная Беларусі па футболе (U21) стала патэнцыяльным лідэрам 10-й адборачнай групы чэмпіянату Еўропы-2011.

Пасля завяршэння Алімпіяды-2010 у Ванкуверы Міжнародная федэрацыя хакея (ІІХФ) апублікавала сусветны рэйтынг. У яго абноўленай версіі зборная Беларусі, якая не выканала задачы трапляння на Гульнях у васьмёрку мацнейшых, перамясцілася з 8-й на 9-ю пазіцыю.

У канадскім Ванкуверы закрыліся XXI зімовыя Алімпійскія гульні. Агонь Алімпіяды на крытым стадыёне "Бі-Сі Плэйс", які ўмяшчае 57.330 гледачоў, згас у 19 гадзін 2 хвіліны 28 лютага (5 гадзін 2 хвіліны 1 сакавіка па мінскім часе).

36-гадовы капітан мінскага "Дынама" Віле Пелтанен заваяваў бронзавы медаль ванкуверскай Алімпіяды ў складзе хакейнай зборнай Фінляндыі. 27 лютага ў матчы за трэцяе месца скандынавы з лікам 5:3 (1:0, 0:3, 4:0) перамаглі каманду Славакіі.

Зборная ЗША паўтарыла рэкорд зімовых Алімпіяд па агульнай колькасці заваяваных медаляў. У Ванкуверы амерыканцы выйгралі 34 узнагароды, а 27 і 28 лютага заваююць яшчэ два медалі, бо зборныя ЗША выйшлі ў фінал мужчынскай канькабежнай гонкі і мужчынскага хакейнага турніру, паведамляе Associated Press.

Галоўны трэнер зборнай Славакіі Ян Філц пасля паразы ад Канады ў паўфінале Алімпіяды (2:3) падзякаваў падапечным за самааддачу. Славакі сталі сенсацыяй турніру ў Ванкуверы, абгуляўшы на групавым этапе рускіх (2:1 Б), а ў чвэрцьфінале шведаў (4:3).

30-гадовы беларускі фрыстайліст Аляксей Грышын заняў першае месца ў фінале алімпійскіх спаборніцтваў ванкуверскай Алімпіяды. Гэта першы залаты медаль беларускіх спартсменаў за час выступлення на зімовых Алімпійскіх гульнях самастойнай камандай.

24 лютага ў фінале спаборніцтваў фрыстайлістак-акрабатак Асоль Слівец заняла чацвёртае месца з вынікам 198,69 бала, Ала Цупер - восьмае (181,84).