Адзін з лідэраў Беларускай хрысціянскай дэмакратыі Віталь Рымашэўскі абвергнуў інфармацыю пра магчымае зняццё сваёй кандыдатуры ў кампаніі па выбарах прэзідэнта. Палітык адзначыў, што ён гатовы вылучацца ў якасці адзінага кандыдата ад правацэнтрысцкіх сілаў і ісці да канца.

Сёння апошні дзень рэгістрацыі для дэмакратычных кандыдатаў у дэпутаты мясцовых саветаў. На Гродзеншчыне іх колькасць мізэрная.

Аляксандр Лукашэнка накіраваўся з візітам у Венесуэлу, дзе плануе абмеркаваць з кіраўніцтвам Венесуэлы ўвесь комплекс сённяшніх двухбаковых адносінаў, а таксама перспектыўныя праекты беларуска-венесуэльскага супрацоўніцтва.

Сябры Берасцейскай абласной арганізацыі Сацыял-дэмакратычнай партыі (Грамада) абскардзілі ў судзе Маскоўскага раёна Берасця рашэнне адміністрацыі Маскоўскага раёна Берасця аб фармаванні участковых выбарчых камісій.

У Свіслачы мясцовыя актывісты ад партый БСДГ (Грамада) і Беларускага народнага фронту здзіўлены спісам удзельнікаў выбарчых камісій.

Ад арганізацыйнага камітэта па стварэнні Беларускай хрысціянскай дэмакратыі ў складзе беларускай дэлегацыі, якая накіруецца ў Еўранэст, будзе сустаршыня БХД Павал Севярынец.

Аб'яднаныя дэмакратычныя сілы падвялі вынікі вылучэння фармавання ўчастковых выбарчых камісіяў. Іх вынікі несуцяшальныя. Доля апазіцыі ў камісіях склала 0,15% ад агульнай колькасці іх чальцоў. Больш падрабязней пра гэта ў рэпартажы Кастуся Вансяцкага.

Сябра міжнароднай моладзевай арганізацыі „Малады Фронт” з Магілёва, Станіслаў Рамановіч, можа быць адлічаны з Дзяржаўнага універсітэта імя Куляшова.

Міністр замежных спраў Польшчы Радаслаў Сікорскі пабываў у Беласоку на сустрэчы са студэнтамі беластоцкага універсітэта. Пракаментаваў ён нашаму радыё пытанні беларуска-польскіх адносінаў і будучую сустрэчу польска-беларускай камісіі па вырашэнні сітуацыі ўзніклай вакол Саюза палякаў у Беларусі.

Бюлетэні на мясцовых выбарах у Беларусі будзе лічыць 68 тысяч 881 чалавек – такую лічбу агучыла Цэнтральная выбарчая камісія. У сувязі з тым, што на долю апазіцыйных партый з гэтага спісу прыпадае толькі 76 месцаў, Сяргей Калякін мяркуе, што выбарчая кампанія ізноў можа ператварыцца ў фарс.

Паседжанне двухбаковай беларуска-польскай групы экспертаў, якая будзе высвятляць канфлікт, што ўзнік вакол непрызнаванага Саюза палякаў на Беларусі адбудзецца ў другой палове сакавіка, паведаміў першы сакратар польскага пасольства ў Мінску Павал Марчук.

Беларускія апазіцыйныя палітыкі 10 сакавіка правялі ў Варшаве шэраг сустрэч з прадстаўнікамі польскага Сейма, кіраўніком міністэрства замежных спраў Польшчы Радаславам Сікорскім, астатнім пунктам у праграме візіта беларускіх дэмакратаў была сустрэча ў прэзідэнцкім палацы з кіраўніком краіны Лехам Качынскім.

Чакаецца, што першае паседжанне беларуска-польскай урадавай групы экспэртаў, якая будзе вырашаць канфлікт вакол Саюзу палякаў Беларусі, пройдзе ў Мінску ўжо неўзабаве. Раней паведамлялялася, што сустрэча мелася адбыцца ў Варшаве 9 сакавіка, аднак па тэхнічных прычынах была адтэрмінаваная.

Дыялог з афіцыйным Мінскам трэба працягваць, аднак ён павінен быць непрадуманым, гэта не павінны быць аднабаковыя саступкі, як да гэтай пары, а канкрэтныя крокі, найперш з боку Беларусі, затым Еўразвязу, такі зроблены вывад з сённяшняй сустрэчы ў польскім Сейме дэлегацыі беларускай апазіцыі з камісіяй польскага Сейма па справах Беларусі, паведаміў старшыня гэтай камісіі Роберт Тышкевіч.

Праваабаронцы характарызуюць 2009 год, як "год няздзейсненых надзей". Паводле віцэ-прэзідэнта Міжнароднай федэрацыі правоў чалавека Алеся Бяляцкага, нягледзячы на тое, што 2009 год прайшоў без маштабных палітычных кампаній, улады па-ранейшаму працягвалі карыстацца рэпрэсіўнымі метадамі кантролю над грамадствам.