Чакаецца, што першае паседжанне беларуска-польскай урадавай групы экспэртаў, якая будзе вырашаць канфлікт вакол Саюзу палякаў Беларусі, пройдзе ў Мінску ўжо неўзабаве. Раней паведамлялялася, што сустрэча мелася адбыцца ў Варшаве 9 сакавіка, аднак па тэхнічных прычынах была адтэрмінаваная.

Дыялог з афіцыйным Мінскам трэба працягваць, аднак ён павінен быць непрадуманым, гэта не павінны быць аднабаковыя саступкі, як да гэтай пары, а канкрэтныя крокі, найперш з боку Беларусі, затым Еўразвязу, такі зроблены вывад з сённяшняй сустрэчы ў польскім Сейме дэлегацыі беларускай апазіцыі з камісіяй польскага Сейма па справах Беларусі, паведаміў старшыня гэтай камісіі Роберт Тышкевіч.

Праваабаронцы характарызуюць 2009 год, як "год няздзейсненых надзей". Паводле віцэ-прэзідэнта Міжнароднай федэрацыі правоў чалавека Алеся Бяляцкага, нягледзячы на тое, што 2009 год прайшоў без маштабных палітычных кампаній, улады па-ранейшаму працягвалі карыстацца рэпрэсіўнымі метадамі кантролю над грамадствам.

Беларускія хрысціянскія дэмакратыі не бачаць сэнсу ў сумеснай працы з камуністамі-калякінцамі. Самі камуністы пажадалі БХД палітычнай мудрасці. Такія вынікі дэбатаў між моладзевымі лідэрамі гэтых двух палітычных структур – Любоўю Каменевай і Дзмітрыем Яненкам.

Сустаршыні аргкамітэту Беларускай хрысціянскай дэмакратыі працягваюць аб’езд рэгіянальных структур і збор подпісаў за вылучэнне актывістаў кандыдатамі ў дэпутаты мясцовых саветаў, выбары ў якія пройдуць 25 красавіка.

Новы прэзідэнт Украіны Віктар Януковіч наведаў на новай пасадзе Брусель і Маскву, дзе правеў перамовы і яскрава акрэсліў знешнепалітычны накірунак краіны і сваёй палітыкі. Трэцяй краінай, якую наведае украінскі лідэр, можа быць Беларусь.

Беларускія нацыянал-бальшавікі больш не падтрымліваюць Аляксандра Лукашэнку, якога доўгія гады лічылі правадыром левых ідэй у Беларусі. Пра гэта было заяўлена на прэс-канферэнцыі ў Мінску.

Крыніцы тэлеканала „Lietuvos ryto televizija” ў МЗС Літвы паведамляюць, што літоўскія дыпламаты ўручылі персанальнае запрашэнне прэзідэнта Літвы Далечы Грыбаўскайтэ кіраўніку Беларусі Аляксандру Лукашэнку на святкаванне 20-годдзя незалежнасці Літвы 11 сакавіка.

Аргкамітэт па стварэнні партыі Беларуская хрысціянская дэмакратыя выказаў намер працягваць удзел у мясцовых выбарах нягледзячы на ціск і рэпрэсіі. У заяве пад назвай "Рэжым абвясціў вайну БХД" адзначаецца, што за апошнія тры тыдні дзясяткі актывістаў, "у першую чаргу вылучэнцы на мясцовых выбарах і члены іх ініцыятыўных груп", падвергнуліся ціску і "адкрытым рэпрэсіям" з боку ўладаў.

Першы віцэ-прэм'ер Расіі Ігар Шувалаў не выключае пераходу на адзіную валюту ў межах Мытнага саюза і Адзінай эканамічнай прасторы (АЭП). Беларускі эканаміст Леанід Заіка лічыць, што гэта справа не блізкай перспектывы.

Падчас свайго выступу на свяце “Казюкі-2010” сенатар Рэчы Паспалітай Станіслаў Гогач заявіў, што рэпрэсіўная палітыка беларускіх уладаў адносна прадстаўнікоў польскай нацыянальнай меншасці Беларусі выклікае занепакоенасць не толькі ў Польшчы, але і ў дэмакратычнай грамадскасці ўсяго свету.

У парламенцкай Асамблеі праграмы "Усходняе Партнёрства" Еўранэст не будзе прадстаўнікоў Беларускага парламента, сказаў сёння нашаму радыё еўрадэпутат Яцэк Сарыюш-Вольскі.

Палітычны эксперт Уладзімір Мацкевіч не выключае што ў межах аднаго з праектаў або праграмаў ЕС будзе фінансавацца праўладны Беларускі Рэспубліканскі саюз моладзі. Пытанне аб фінансаванні гэтай арганізацыі было ўзнятае ў інтэрв'ю дзяржаўнага агенцтва Белта з новым кіраўніком БРСМ Ігарам Бузоўскім. Уладзімір Мацкевіч зазначае, што ЕС да канца не разумее асаблівасцяў дзейнасці няўрадавых арганізацыяў у Беларусі.

Круглы стол у пытаннях нацыянальнай бяспекі, які быў запланаваны на сёння ў Мінску – перанесены. Прычына – адмова ў выдзяленні памяшкання на правядзенне сустрэчы. Гатэль “Crowne Plaza” нечакана адмовіў у арэндзе памяшкання. Хоць адміністрацыя гатэлю не падала прычыну адмовы, але ж усё вядома - гэта не сакрэт палішынэля, але за тое гэта пацвярджае, што нашая партыя моцная, кажа лідэр АГП Анатоль Лябедзька.

Адказ з пракуратуры адносна сваёй скаргі на дзеянні Віцебскай гарадской выбарчай камісіі атрымала заснавальніца Беларускай хрысціянскай дэмакратыі Настасся Сотнікава. Патэнцыйная кандыдатка ў дэпутаты ад БХД падала скаргу пракурору Віцебскай вобласці з патрабаваннем даць прававую ацэнку дзеянням Віцебскай гарадской выбарчай камісіі.